ໂຮງຮຽນເຕັກນິກ-ວິຊາຊີບ ແຂວງບໍ່ແກ້ວ – ສາຂາ ປຸງແຕ່ງອາຫານ – ລາຍລະອຽດ
ເດືອນກັນຍາ 29, 2020 2021-01-18 9:49ໂຮງຮຽນເຕັກນິກ-ວິຊາຊີບ ແຂວງບໍ່ແກ້ວ – ສາຂາ ປຸງແຕ່ງອາຫານ – ລາຍລະອຽດ
ສາຂາ ປຸງແຕ່ງອາຫານ
ເວລາຮຽນ 3 ປີ (ຊັ້ນກາງ 9+3)
ຄວາມໝາຍ ແລະ ຄວາມສຳຄັນ :
ການຮຽນໃນສາຂາປຸງແຕ່ງອາຫານ ແລະ ບໍລິການເຄື່ອງດື່ມ ຄືການຮຽນຮູ້ວິທີການປຸງແຕ່ງອາຫານທີ່ ແຊບ ແລະ ຖືກຕ້ອງຕາມໂພສະນາການ, ຮຽນຮູ້ກ່ຽວກັບການປະສົມເຄື່ອງດື່ມປະເພດຕ່າງໆ ໂດຍເສີມສ້າງແນວຄດສ້າງສັນໃນການສັນສ້າງອາຫານ ແລະ ເຄື່ອງດື່ມຕ່າງໆ. ການປຸງແຕ່ງອາຫານ ແລະ ການບໍລິການເຄື່ອງດື່ມ ຄືໝາກຫົວໃຈຫຼັກຂອງທຸລະກິດຮ້ານອາຫານ ນອກຈາກການບໍລິການ ແລະ ບັນຍາກາດຂອງສະຖານທີ່ ທີ່ຈະສ້າງຄວາມປະທັບໃຈໃຫ້ກັບແຂກ ລົດຊາດອາຫານ ແລະ ເຄື່ອງດື່ມທີ່ແຊບຊ້ອຍຈະເຮັດໃຫ້ແຂກເພິ່ງພໍໃຈ ແລະ ກັບມາໃຊ້ບໍລິການອີກຄັ້ງ.
ຈຸດປະສົງ :
ແນໃສ່ເພື່ອກໍ່ສ້າງ ແລະ ພັດທະນາຊັບພະຍາກອນມະນຸດໃຫ້ມີລະດັບທາງດ້ານສືມືທີ່ເໝາະສົມ ແລະ ສອດຄ່ອງກັບຄວາມຕ້ອງການຂອງຕະຫຼາດແຮງງານ, ຄວາມກ້າວໜ້າທາງດ້ານເຕັກໂນໂລຊີ, ເພື່ອພັດທະນາຕົນເອງເສດຖະກິດ-ສັງຄົມ ແລະ ປະເທດຊາດ.
ເພື່ອສົ່ງເສີມໃຫ້ສະຖານປະກອບການໄດ້ນຳໃຊ້ຊັບພະຍາກອນມະນຸດທີ່ມີລະດັບທາງດ້ານສີມື, ເພື່ອປັບປຸງວຽກງານຂອງຕົນໃຫ້ເກີດປະສິດທິພາບດີ, ທັງປະຢັດ ແລະ ເກີດປະໂຫຍດສູງສຸດ.
ເພື່ອພັດທະນາການປະກອບອາຊີບໃຫ້ມີຄຸນນະທຳ, ຈະລິຍະທຳ, ເຈດຕະນາທຳ ແລະ ວິໄນທີ່ດີ.
ສ້າງໃຫ້ຮູ້ຈັກຮັກອາຊີບ, ມີແນວຄິດສ້າງສັນ ແລະ ມີພາລະນາໄມມີລະບຽບວິໄນບຸກຄະລິກ.
ເງື່ອນໄຂຜູ້ເຂົ້າຮຽນກ່ຽວຂ້ອງ:
- ຕ້ອງຮຽນຈົບມັດທະຍົມຕອນຕົ້ນ ຫຼື ທຽບເທົ່າ
ວິຊາຮຽນທີ່ກ່ຽວຂ້ອງ :
- ການເມືອງ
- ພາສາອັງກິດ
- ຄະນິດສາດ
- ເຄມີສາດ
- ພາສາລາວ
- ໂພຊະນາການອາຫານ
- ມະນຸດສໍາພັນ
- ຄວາມສະອາກ ແລະ ສຸຂະອະນາໄມ
- ວັດສະດຸອຸປະກອນປຸງແຕ່ງອາຫານ
- ປຸງແຕ່ງອາຫານຄາວ
- ແກະສະຫຼັກຜັກ ແລະ ໝາກໄມ້
- ວຽກໃບຕອງ
- ການນໍາໃຊ້ຄອມພິວເຕີ
- ການຖະໜອມອາຫານ
- ການປຸງແຕ່ງອາຫານຫວານ
- ພາສາອັງກິດສະເພາະ
- ການຈັດລ້ຽງ
- ການຕົບແຕ່ງດອກໄມ້
- ທຸລະກິດຂະໜາດນ້ອຍ
- ການເຮັດເຄື່ອງດື່ມ
- ການບໍລິການອາຫານ ແລະ ເຄື່ອງດື່ມ
- ແມ່ບ້ານ
- ຝຶກງານ 16 ອາທິດ
ນະໂຍບາຍຕ່າງໆ:
ນັກສຶກສາແມ່ນໄດ້ຮັບເບ້ຍລ້ຽງໃນທຸກໆເດືອນ.
ມີສະຫວັດດີການຂອງໂຮງຮຽນໃນເວລາເຈັບເປັນ ຫຼື ນອນໂຮງໝໍ.
ສິ່ງອໍານວຍຄວາມສະດວກ:
- ມີຫໍພັກຍິງ-ຊາຍ.
- ມີອຸປະກອນຮັບໃຊ້ໃນພາກປະຕິບັດເຊັ່ນ: ອຸປະກອນການປຸງແຕ່ງອາຫານ, ອຸປະກອນຫ້ອງໂຮງແຮມຈໍາລອງ ແລະ ອຸປະກອນສຳລັບການບໍລິການອາຫານ-ເຄື່ອງດື່ມ.
- ມີປື້ມຄູ່ມືສຳລັບນັກສຶກສາ
ຄວາມຮູ້ ແລະ ທັກສະພາຍຫຼັງການຮຽນຈົບ:
ຮູ້ວິທີນຳໃຊ້ອຸປະກອນໃນການປຸງແຕ່ງອາຫານ ແລະ ການແກະສະຫຼັກຜັກ ແລະ ໝາກໄມ້.
ເຂົ້າໃຈຄັດເລືອກວັດຖຸດິບທີ່ຈະນຳມາປຸງແຕ່ງອາຫານ ແລະ ການແກະສະຫຼັກ.
ຮູ້ວິທີການປຸງແຕ່ງອາຫານປະເພດຄາວ-ຫວານຕາມຂັ້ນຕອນ.
ວິທີແກະສະຫຼັກຜັກ ແລະ ໝາກໄມ້ຕາມຂັ້ນຕອນ.
ວິທີການບໍລິການອາຫານ ແລະ ເຄື່ອງດື່ມຊະນິດຕ່າງໆໄດ້ຖືກຕ້ອງ.
ຫຼັກການຮັກສາຄຸນຄ່າອາຫານ ແລະ ໂພສະນາການຕໍ່ຮ່າງກາຍຂອງຄົນເຮົາ.
ຮູ້ວິທີການເກັບຮັກສາອາຫານໄວ້ໄດ້ດົນ.
- ສມາດປະກອບອາຊີບຢູ່ຕາມຮ້ານອາຫານ ຫຼື ໂຮງແຮມໄດ້.
- ສາມາດເປີດຮ້ານອາຫານເປັນຂອງຕົນເອງ.
ວີທີສະໝັກຮຽນ
-
ຂັ້ນຕອນທີ 1: ຊື້ແບບຟອມສະໝັກເຂົ້າຮຽນນຳພະແນກກິດຈະການນັກສຶກສາ.
-
ຂັ້ນຕອນທີ 2: ປະກອບແບບຟອມຕາມເອກະສານທີ່ກຳນົດ
-
ຂັ້ນຕອນທີ 3: ຫຼັງຈາກປະກອບແບບຟອມແລ້ວໄປຢື່ນເອະສານນຳຄະນະຮັບຜິດຊອບສຳພາດເຂົ້າຮຽນ.
-
ຂັ້ນຕອນທີ 4: ສົ່ງໃບນຳສົ່ງ ແລະ ສະເໜີຕົວນໍາພະແນກວິຊາສະເພາະທີ່ກ່ຽວຂ້ອງ.
ເອກະສານປະກອບການສະໝັກຮຽນມີ:
- ສໍາເນົາໃບປະກາດຈົບຊັ້ນມັດທະຍົມຕອນຕົ້ນ ຫຼື ທຽບເທົ່າ
- ໃບຄະແນນຂອງແທ້
- ໃບຢັ້ງຢືນທີ່ຢູ່ ຫຼື ບັດປະຈໍາຕົວ ຫຼື ສໍາມະໂນຄົວ
- ຊີວະປະຫວັດຫຍໍ້
- ຮູບຖ່າຍຂະໜາດ 3×4 ຈໍານວນ 6 ໃບ