ວິທະຍາໄລ ເຕັກນິກ ປາກປ່າສັກ – ສາຂາ ພະນັກງານເສີບ – ລາຍລະອຽດ
ເດືອນກັນຍາ 23, 2020 2020-12-15 7:42ວິທະຍາໄລ ເຕັກນິກ ປາກປ່າສັກ – ສາຂາ ພະນັກງານເສີບ – ລາຍລະອຽດ
ສາຂາ ພະນັກງານເສີບ
ເວລາຮຽນ 3 ເດືອນ (ລະບົບ C1)
ຄວາມໝາຍ ແລະ ຄວາມສຳຄັນ :
ການຮຽນໃນສາຂາພະນັກງານເສີບ ຄືການຮຽນຮູ້ກ່ຽວກັບການໃຫ້ບໍລິການນຳອາຫານ ແລະ ເຄື່ອງດື່ມທີ່ໄດ້ຈັດກຽມໄວ້ ໃຫ້ກັບແຂກ, ຮຽນຮູ້ກ່ຽວກັບທັກສະ ແລະ ເຕັກນິກໃນການສື່ສານ ແລະ ການບໍລິການໂດຍສະເພາະ. ຜູ້ປະສານງານຫຼັກລະຫວ່າງຄວາມຕ້ອງການຂອງລູກຄ້າ ແລະ ຫ້ອງຄົວຄືພະນັກງານເສີບ, ສະນັ້ນ ພວກເຂົາມີໜ້າທີ່ຫຼັກໃນການບັນທຶກຄວາມຕ້ອງການຂອງລູກຄ້າຢ່າງຖືກຕ້ອງ ເພື່ອສົ່ງມອບຕໍ່ໃຫ້ຫ້ອງຄົວ ແລະ ບໍລິການອາຫານ ແລະ ເຄື່ອງດື່ມໃຫ້ແກ່ລູກຄ້າຢ່າງທັນທ່ວງທີ. ນອກຈາກນັ້ນ, ພວກເຂົາຍັງຕ້ອງໄດ້ຮຽນຮູ້ທັກສະໃນການແກ້ໄຂບັນຫາສະເພາະໜ້າ ເມື່ອລູກຄ້າມີຂໍ້ສົງໄສຕ່າງໆ.
ຈຸດປະສົງ :
ເພື່ອໃຫ້ຮູ້ ແລະ ສາມາດນໍາໃຊ້ການບໍລິການອາຫານ ແລະ ເຄື່ອງດື່ມໃຫ້ໄດ້ຄຸນນະພາບ, ມີຄວາມເປັນມືອາຊີບ ເຊິ່ງຈະປະກອບມີ: ຄວາມຮູ້, ທັກສະ, ຄຸນສົມບັດ ເພື່ອກຽມພ້ອມອອກໄປປະກອບອາຊີບ.
ເງື່ອນໄຂຜູ້ເຂົ້າຮຽນກ່ຽວຂ້ອງ :
- ຕ້ອງຮຽນຈົບປະຖົມຂື້ນໄປ
ວິຊາຮຽນທີ່ກ່ຽວຂ້ອງ :
- ການນຳໃຊ້ຫຼັກການຕົວອັກສອນລາວ
- ການສື່ສານໃນສະຖານທີ່ເຮັດວຽກ
- ການຮັກສາຄວາມປອດໄພທາງດ້ານອາຫານ ແລະ ປະຕິບັດງານ
- ການນໍາໃຊ້ທັກສະຊີວິດ
- ພາສາອັງກິດສໍາລັບສື່ສານ
- ພາສາອັງກິດສະເພາະ
- ການບໍລິການອາຫານ ແລະ ເຄື່ອງດື່ມ
- ການໃຫ້ຄໍາແນະນຳລູກຄ້າກ່ຽວກັບການບໍລິການອາຫານ ແລະ ເຄື່ອງດື່ມ
- ການປະສານງານລະຫວ່າງຫ້ອງຄົວ ແລະ ຫ້ອງອາຫານ
- ການກະກຽມ ແລະ ເສີບເຄື່ອງດື່ມປະສົມທີ່ມີທາດເຫຼົ້າ
- ການກະກຽມ ແລະ ເສີບເຄື່ອງດື່ມປະສົມທີ່ບໍ່ມີທາດເຫຼົ້າ
ສິ່ງອໍານວຍຄວາມສະດວກ:
- ມີຫໍພັກໃຫ້ນັກຮຽນທັງຍິງ ແລະ ຊາຍ
- ມີຫ້ອງຮຽນ ແລະ ຫ້ອງປະຕິບັດ ພ້ອມດ້ວຍອຸປະກອນເຄື່ອງໃຊ້ໃນການຮຽນເພື່ອລົງມືປະຕິບັດຕົວຈິງ.
ຄວາມຮູ້ ແລະ ທັກສະພາຍຫຼັງການຮຽນຈົບ:
- ສາມາດກະກຽມເຄື່ອງດື່ມຕ່າງໆໄດ້.
- ສາມາດປະສານງານລະຫວ່າງຫ້ອງຄົວ ແລະ ຫ້ອງອາຫານ.
- ສາມາດໃຫ້ຄໍາແນະນໍາລູກຄ້າກ່ຽວກັບການບໍລິການອາຫານ ແລະ ເຄື່ອງດື່ມ.
- ສາມາດປະກອບອາຊີບເປັນພະນັກງານເສີບໃນຮ້ານອາຫານ ຫຼື ໂຮງແຮມ.
ວີທີສະໝັກຮຽນ
– ຂັ້ນຕອນທີ 1: ຊື້ແບບຟອມການສະໝັກສໍາພາດ ຫຼື ສອບເສັງ
– ຂັ້ນຕອນທີ 2: ກອກແບບຟອມສະໝັກ ຫຼື ສອບເສັງ
– ຂັ້ນຕອນທີ 3: ຍື່ນໃບສະໝັກສໍາພາດ ຫຼື ສອບເສັງ
– ຂັ້ນຕອນທີ 4: ຕິດຕາມການສໍາພາດ ຫຼື ສອບເສັງ
ເອກະສານປະກອບການສະໝັກຮຽນມີ:
- ສໍາເນົາໃບປະກາດຈົບຊັ້ນປະຖົມ
- ຮູບຂະໜາດ 2×3 ຈໍານວນ 2 ໃບ (ຖ່າຍບໍ່ເກີນ 3 ເດືອນ)