ໂຮງຮຽນເຕັກນິກ-ວິຊາຊີບແບບປະສົມແຂວງຊຽງຂວາງ ອາຫານ ແລະ ການໂຮງແຮມ – ລາຍລະອຽດ

ຄວາມໝາຍ ແລະ ຄວາມສຳຄັນ :

ການຮຽນໃນສາຂາອາຫານ ແລະ ການໂຮງແຮມ ຄືການຮຽນຮູ້ກ່ຽວກັບການປຸງແຕ່ງ ແລະ ການບໍລິການອາຫານ-ເຄື່ອງດື່ມ ແລະ ວຽກງານດ້ານຕ່າງໆໃນການບໍລິການໃນໂຮງແຮມ ເພື່ອສ້າງໃຫ້ຜູ້ຮຽນມີທັກສະຮອບດ້ານ ໃນການປະກອບອາຊີບໃນທຸລະກິດນີ້. ວຽກງານໃນຂະແໜງການບໍລິການຮັບຕ້ອນກໍຄື ວຽກງານທາງດ້ານການໂຮງແຮມ ແລະ ຮ້ານອາຫານ ຖືເປັນອີກໜຶ່ງວຽກງານທີ່ສຳຄັນທີ່ໄດ້ຊ່ວຍຍົກລະດັບຄວາມເພິງພໍໃຈຂອງແຂກຜູ້ມາທ່ຽວຊົມ ແລະ ໃຫ້ເກີດການກັບມາໃຊ້ບໍລິການຊໍ້າອີກຄັ້ງ.

ຈຸດປະສົງ :

• ສ້າງໃຫ້ຜູ້ຮຽນມີຄວາມຮູ້, ມີທັກສະອາຊີບ ແລະ ປະສົບການກົງກັບມາດຕະຖານອາຊີບ ເພື່ອນໍາໄປປະຕິບັດງານວິຊາສະເພາະໄດ້ຢ່າງມີປະສິດທິພາບ ແທດເໝາະກັບຄວາມຕ້ອງການຂອງຕະຫຼາດແຮງງານ.
• ສ້າງໃຫ້ຜູ້ຮຽນມີຫົວຄິດປະດິດສ້າງ, ແກ້ໄຂບັນຫາ ແລະ ມີຄວາມສາມາດປະຕິບັດໜ້າທີ່ວຽກງານດ້ານວິຊາສະເພາະຕາມລະດັບທີ່ຕົນຮຽນຈົບ.
• ສ້າງໃຫ້ຜູ້ຮຽນມີມະນຸດສຳພັນດີ, ມີຄຸນນະທຳ, ຈະລິຍະທຳ ແລະ ຈັນຍາບັນໃນອາຊີບ.

ເງື່ອນໄຂຜູ້ເຂົ້າຮຽນກ່ຽວຂ້ອງ:

• ຕ້ອງຮຽນຈົບມັດທະຍົມຕອນຕົ້ນ ຫຼື ທຽບເທົ່າ

ວິຊາທີ່ກ່ຽວຂ້ອງ :

1. ການເມືອງ
2. ການນໍາໃຊ້ພາສາອັງກິດທົ່ວໄປ
3. ຮຽນຮູ້ກ່ຽວກັບມະນຸດສໍາພັນ
4. ນໍາໃຊ້ຄະນິດສາດທົ່ວໄປ
5. ຮຽນຮູ້ກ່ຽວກັບພາສາລາວ
6. ຄອມພິວເຕີ
7. ຄວາມຮູ້ກ່ຽວກັບທຸລະກິດໂຮງແຮມ
8. ທັກສະແບບມືອາຊີບ
9. ການແກ້ໄຂບັນຫາ
10. ພາສາອັງກິດສະເພາະໂຮງແຮມ ແລະ ທ່ອງທ່ຽວ
11. ບົດບາດຍິງຊາຍ
12. ພື້ນຖານກ່ຽວກັບການທ່ອງທ່ຽວ
13. ການເຮັດວຽກແບບມືອາຊີບ
14. ການບໍລິການຮັກສາຄວາມສະອາດ
15. ການບໍລິການອາຫານ ແລະ ເຄື່ອງດື່ມ
16. ພື້ນຖານການບໍລິການອາຫານ ແລະ ເຄື່ອງດື່ມ
17. ການປຸງແຕ່ງອາຫານ
18. ພື້ນຖານການປຸງແຕ່ງອາຫານ
19. ແນະນໍາການບໍລິການລູກຄ້າ

ນະໂຍບາຍຕ່າງໆ:

• ສຳລັບນັກຮຽນຜູ້ທີມີໃບຢັ້ງຢືນຈາກບ້ານ ແລະ ວ່າເປັນຄອບຄົວທີ່ທຸກຍາກແມ່ນຈະບໍ່ໄດ້ເສຍຄ່າທຳນຽມ
• ມີນະໂຍບາຍໃຫ້ຜູ້ທີ່ຊ່ວຍວຽກໂຮງຮຽນເຊັ່ນວ່າ: ເປັນປ້ອງກັນໂຮງຮຽນຈະຖືກຍົກເວັ້ນຄ່າຮຽນ ແລະ ໄດ້ຮັບນະໂຍບາຍອື່ນເພີ່ມນ
• ນັກຮຽນຜູ້ທີ່ເຈັບເປັນນອນໂຮງໝໍ ຫຼື ວ່າຜ່າຕັດຕ່າງໆ ແມ່ນຈະໄດ້ຮັບນະໂຍບາຍຈາກໂຮງຮຽນຈຳນວນໜຶ່ງ.

ສິ່ງອໍານວຍຄວາມສະດວກ:

• ໃນໂຮງຮຽນມີສະຖານທີ່ພັກເຊົາ (ຫໍພັກ-ຍິງຊາຍ).
• ມີໂຮງຊ່າງໃນພາກປະຕິບັດ.
• ມີສະຖານທີ່ຈອດລົດກ້ວາງຂວາງ, ມີໄຟຟ້າ, ນ້ຳປະປາ.

ຄວາມຮູ້ ແລະທັກສະພາຍຫຼັງການຮຽນຈົບ :

• ມີທັກສະໃນການເຮັດວຽກ

• ແກ້ໄຂບັນຫາ

• ມີທັກສະແບບມືອາຊີບ

• ສາມາດໃຫ້ບໍລິການ ແລະ ຮັກສາຄວາມສະອາດ 

• ສາມາດປຸງແຕ່ງອາຫານໄດ້

• ຮູ້ນຳໃຊ້ເຄື່ອງມື, ອຸປະກອນໃນການປຸງແຕ່ງອາຫານ ແລະ ບໍລິການອາຫານ-ເຄື່ອງດື່ມ

• ສາມາດປະກອບອາຊີບໃນຮ້ານອາຫານ ຫຼື ໂຮງແຮມໄດ້
• ສາມາດປະກອບທຸລະກິດເປີດຮ້ານອາຫານເປັນຂອງຕົນເອງ

ວີທີສະໝັກຮຽນ

• ຂັ້ນຕອນທີ 1:  ຊື້ຄຳຮ້ອງຂໍເຂົ້າຮຽນແລ້ວປະກອບຂໍ້ມູນໃຫ້ຄົບຖ້ວນ.
• ຂັ້ນຕອນທີ 2: ນໍາເອົາເອກະສານມາໃຫ້ທາງໂຮງຮຽນກວດສອບຄວາມຖືກຕ້ອງ ແລະ ຄົບຖ້ວນຂອງຂໍ້ມູນ.
• ຂັ້ນຕອນທີ 3: ຫາກເອກະສານຄົບຖ້ວນແລ້ວແມ່ນເຂົ້າສຳພາດເຂົ້າຮຽນໂດຍການທົດສອບ ຫຼື ຄັດເລືອກ ດ້ວຍການຂຽນ, ສຳພາດ ແລະ ທົດສອບດ້ານສີມືໂດຍມີຄະນະກຳມະການທີ່ຮັບການແຕ່ງຕັ້ງຢ່າງເປັນທາງການ.

ເອກະສານປະກອບການສະໝັກຮຽນມີ:

1. ສໍາເນົາໃບປະກາດຈົບຊັ້ນມັດທະຍົມຕອນຕົ້ນ ຫຼື ທຽບເທົ່າ
2. ໃບນໍາສົ່ງຈາກກົມກອງ(ກໍລະນີເປັນພະນັກງານ)
3. ໃບຄະແນນ
4. ຊີວະປະຫວັດ(ກໍລະນີເປັນພະນັກງານ)
5. ຊີວະປະຫວັດນັກຮຽນ
6. ໃບຢັ້ງຢືນທີ່ຢູ່
7. ໃບຢັ້ງຢືນສຸຂະພາບ(ສໍາລັບນັກຮຽນ)