ໂຮງຮຽນເຕັກນິກ-ວິຊາຊີບແບບປະສົມ ແຂວງອັດຕະປື – ສາຂາ ອາຫານ ແລະ ການໂຮງແຮມ- ລາຍລະອຽດ

ຄວາມໝາຍ ແລະ ຄວາມສຳຄັນ :

ການຮຽນໃນສາຂາອາຫານ ແລະ ການໂຮງແຮມ ຄືການຮຽນຮູ້ກ່ຽວກັບການປຸງແຕ່ງ ແລະ ການບໍລິການອາຫານ-ເຄື່ອງດື່ມ ແລະ ວຽກງານດ້ານຕ່າງໆໃນການບໍລິການໃນໂຮງແຮມ ເພື່ອສ້າງໃຫ້ຜູ້ຮຽນມີທັກສະຮອບດ້ານ ໃນການປະກອບອາຊີບໃນທຸລະກິດນີ້. ວຽກງານໃນຂະແໜງການບໍລິການຮັບຕ້ອນກໍຄື ວຽກງານທາງດ້ານການໂຮງແຮມ ແລະ ຮ້ານອາຫານ ຖືເປັນອີກໜຶ່ງວຽກງານທີ່ສຳຄັນທີ່ໄດ້ຊ່ວຍຍົກລະດັບຄວາມເພິງພໍໃຈຂອງແຂກຜູ້ມາທ່ຽວຊົມ ແລະ ໃຫ້ເກີດການກັບມາໃຊ້ບໍລິການຊໍ້າອີກຄັ້ງ.

ຈຸດປະສົງ :

• ສ້າງໃຫ້ຜູ້ຮຽນມີຄວາມຮູ້ມີທັກສະອາຊີບ ແລະ ປະສົບການທາງດ້ານທັກສະກ່ຽວກັບການປຸງແຕ່ງອາຫານ ແລະ ການບໍລິການອາຫານ ແລະ ເຄື່ອງດື່ມກງກັບມາດຕະຖານອາຊີບ ສາມາດນໍາໄປປະຕິບັດຽກງານໃນວິຊາສະເພາະ ຢ່າງມີປະສິດທິພາບ ແລະ ແທດເໝາະກັບຄວາມຕ້ອງການຂອງຕະຫຼາດແຮງງານ.
• ສ້າງໃຫ້ຜູ້ຮຽນມີຫົວຄິດປະດິດສ້າງ, ແກ້ໄຂບັນຫາໄດ້ ແລະ ມີຄວາມສາມາດປະຕິບັດໜ້າທີ່ວຽກງານໃນວິຊາສະເພາະລະດັບທີ່ຕົນຮຽນຈົບ.
• ສ້າງໃຫ້ຜູ້ຮຽນມີມະນຸດສຳພັນດີ, ມີຄຸນນະທຳ ແລະ ຈັນຍາບັນໃນອາຊີບ.

ເງື່ອນໄຂຜູ້ເຂົ້າຮຽນກ່ຽວຂ້ອງ:

• ຕ້ອງຮຽນຈົບປະຖົມຂື້ນໄປ
• ຕ້ອງຮຽນຈົບມັດທະຍົມຕອນຕົ້ນ ຫຼື ທຽບເທົ່າ
• ຕ້ອງຮຽນຈົບມັດທະຍົມຕອນປາຍ ຫຼື ທຽບເທົ່າ

ວິຊາຮຽນທີ່ກ່ຽວຂ້ອງ :

1. ການເມືອງ
2. ລາວສຶກສາ
3. ການສື່ສານເປັນພາສາອັງກິດ
4. ການເຮັດວຽກຮ່ວມກັບພະນັກງານ ແລະ ລູກຄ້າ
5. ການນໍາໃຊ້ເຄື່ອງມື ແລະ ຂະບວນຕ່າງໆທາງທຸລະກິດ
6. ພາສາອັງກິດສໍາລັບການໂຮງແຮມ ແລະ ການທ່ອງທ່ຽວ
7. ການພັດທະນາຄວາມຮູ້ທາງດ້ານອຸດສາຫະກໍາການທ່ອງທ່ຽວ ແລະ ການບໍລິການ
8. ການສ້າງການບໍລິການໃຫ້ແກ່ລູກຄ້າຢ່າງມີປະສິດທິພາບ
9. ການນໍາອຸປະກອນສືສານສໍາລັບການທ່ອງທ່ຽວ ແລະ ການບໍລິການທ່ອງທ່ຽວ
10. ການຮັກສາຄວາມປອດໄພ ແລະ ຄວາມສະຫງົບໃນບ່ອນເຮັດວຽກ
11. ການບໍາລຸງຮັກສາຄວາມສະອາດ ແລະ ສຸຂະອະນາໄມໃນບ່ອນເຮັດວຽກ
12. ການກໍານົດອົງປະກອບຂອງການທ່ອງທ່ຽວພາຍໃນປະເທດ
13. ການປະສານງານສໍາລັບການທ່ອງທ່ຽວ
14. ການກໍານົດອົງປະກອບຂອງການທ່ອງທ່ຽວແບບອະນຸຮັກ
15. ພື້ນຖານການຕະຫຼາດ ແລະ ການປະກອບອາຊີບສໍາລັບການທ່ອງທ່ຽວ ແລະ ການໂຮງແຮມ
16. ການກໍານົດອົງປະກອບການທ່ອງທ່ຽວສາກົນ
17. ການຈອງໂຮງແຮມ ແລະ ປີ້ຍົນ
18. ການສ້າງລາຍການທ່ອງທ່ຽວ
19. ການບໍລິການນໍາທ່ຽວ
20. ລົງເຝິກງານ 16 ອາທິດ

ນະໂຍບາຍຕ່າງໆ:

• ນັກສຶກສາແມ່ນໄດ້ຮັບເບ້ຍລ້ຽງ ແລະ ສະຫວັດດີການຂອງໂຮງຮຽນໃນເວລາເຈັບເປັນ ຫຼື ນອນໂຮງໝໍ.

ສິ່ງອໍານວຍຄວາມສະດວກ:

• ມີຫ້ອງຮຽນ ແລະ ຫ້ອງປະຕິບັດ
• ຖ້າຫາກນ້ອງໆຄົນໃດມີຄວາມຫຍຸ້ງຍາກໃນການເດີນທາງທາງໂຮງຮຽນມີຫໍພັກຍິງ-ຊາຍໃຫ້ແກ່ນັກສຶກສາ
• ມີສະຖານປະກອບການທີ່ໃຫ້ຄວາມສະດວກໃນການຝຶກງານ.

ຄວາມຮູ້ ແລະ ທັກສະພາຍຫຼັງການຮຽນຈົບ:

• ຮຽນຈົບໃນສາຂານີ້ນັກຮຽນສາມາດປະກອບອາຊີບຕົນເອງໄດ້.
• ຮູ້ຈັກການສ້າງລາຍການການທ່ອງທ່ຽວ.
• ສາມາດເຮັດວຽກຢູ່ໃນຮ້ານອາຫານ ຫຼື ໂຮງແຮມໄດ້.
• ສາມາດເປີດຮ້ານຂາຍອາຫານເປັນຂອງຕົນເອງ.

ວິທີສະໝັກຮຽນ

• ຂັ້ນຕອນທີ 1: ຊື້ຄໍາຮ້ອງຂໍເຂົ້າຮຽນ, ພົວພັນເອົາຄໍາຮ້ອງຢູ່ຫ້ອງການບໍລິຫານ.
• ຂັ້ນຕອນທີ່ 2: ຍື່ນຄໍາຮ້ອງ ແລະ ເຂົ້າສຳພາດ.
• ຂັ້ນຕອນທີ 3: ລົງທະບຽນເຂົ້າຮຽນພາຍຫຼັງຮູ້ຜົນການສຳພາດ (ລົງທະບຽນຢູ່ຫ້ອງການບໍລິຫານ).

ເອກະສານປະກອບການສະໝັກຮຽນມີ:

1. ສໍາເນົາໃບປະກາດຈົບຊັ້ນປະຖົມ      
2. ສໍາເນົາໃບປະກາດຈົບຊັ້ນມັດທະຍົມຕອນຕົ້ນ ຫຼື ທຽບເທົ່າ        
3. ສໍາເນົາໃບປະກາດຈົບຊັ້ນມັດທະຍົມຕອນປາຍ ຫຼື ທຽບເທົ່າ
4. ໃບຄະແນນ
5. ຊີວະປະຫວັດນັກຮຽນ
6. ໃບກວດສຸຂະພາບ
7. ຮູບຖ່າຍຂະໜາດ 3×4 ຈໍານວນ 2 ໃບ
8. ໃບຢັ້ງຢືນທີ່ຢູ່ ຫຼື ປື້ມສໍາມະໂນຄົວ