ວິທະຍາໄລ ເຕັກນິກ ແຂວງວຽງຈັນ – ສາຂາ ແມ່ບ້ານ – ລາຍລະອຽດ

ຄວາມໝາຍ ແລະ ຄວາມສຳຄັນ :

ການຮຽນໃນສາຂາແມ່ນບ້ານ ຄືການຮຽນຮູ້ລະບຽບ ຫຼັກການ ແລະ ການນໍາໃຊ້ເຄື່ອງມືຕ່າງໆ ໃນການຈັດການທຳຄວາມສະອາດ ສະຖານທີ່ຕ່າງໆ ຢ່າງຖືກຕ້ອງ ແລະ ເປັນລະບຽບຮຽບຮ້ອຍ. ຄວາມປະທັບໃຈທຳອິດ ບໍ່ສາມາດສ້າງໄດ້ເປັນເທື່ອທີສອງ ສິ່ງຜູ້ຄົນເຫັນທຳອິດ ບໍ່ວ່າຈະກ້າວຍ່າງເຂົ້າໄປສະຖານທີ່ໃດກໍຕາມ ເຊັ່ນ ໂຮງແຮມ, ຮ້ານອາຫານ, ໂຮງໝໍ ຫຼື ສຳນັກງານຕ່າງ ກໍຄືຄວາມສະອາດງາມຕາຂອງສະຖານທີ່ນັ້ນໆ. ພະນັກງານທຳຄວາມສະອາດ ຫຼື ແມ່ບ້ານ ຄືໝາກຫົວໃຈສຳຄັນທີ່ຊ່ວຍຮັກສາຄວາມສະອາດ ແລະ ຄວາມເປັນລະບຽບຮຽບຮ້ອຍຂອງສະຖານທີ່ດັ່ງກ່າວ.

ຈຸດປະສົງ :

• ໃຫ້ນັກຮຽນໄດ້ຮັບຮູ້ເຖິງການອານາໄມຫ້ອງພັກ, ຫ້ອງນໍ້າ ແລະ ພື້ນທີ່ສາທາລະນະໄດ້ຖືກຕ້ອງຕາມຫຼັກການ.
• ໃຫ້ນັກຮຽນໄດ້ຮັບຮູ້ເຖິງການເຮັດຄວາມສະອາດ, ຄວາມສະດວກສະບາຍ, ຄວາມສວຍງາມ ແລະ ຄວາມປອດໄພພາຍໃນສະຖານທີ່ເຮັດວຽກ.

ເງື່ອນໄຂຜູ້ເຂົ້າຮຽນກ່ຽວຂ້ອງ :

• ຕ້ອງຮຽນຈົບປະຖົມຂື້ນໄປ

ວິຊາຮຽນທີ່ກ່ຽວຂ້ອງ:

1.  ທິດສະດີປະຕິບັດໃນໂຮງແຮມ
2. ທິດສະດີປະຕິບັດໃນສະຖານປະກອບການ
3. ການນຳໃຊ້ພາສາລາວ
4. ການສື່ສານໃນສະຖານທີ່ເຮັດວຽກ
5. ການນໍາໃຊ້ທັກສະຊີວິດ
6. ພາສາອັງກິດສໍາລັບການສື່ສານໃນລະດັບພື້ນຖານ
7. ການໃຫ້ຂໍ້ມູນກ່ຽວກັບການໃຫ້ບໍລິການພາຍໃນສະຖານທີ່ພັກ
8. ການຊັກລີດເສື້ອຜ້າຂອງແຂກ
9. ການສະໜອງດ້ານການບໍລິການຮັກສາຄວາມສະອາດໃຫ້ແກ່ແຂກ
10. ການອະນາໄມພື້ນທີ່ສາທາລະນະ
11. ການອະນາໄມຫ້ອງພັກແຂກ
12. ການບໍາລຸງຮັກສາອຸປະກອນ ແລະ ສະຖານທີ່ເຮັດວຽກ.

ນະໂຍບາຍຕ່າງໆ:

• ມີຫໍພັກໃຫ້ນັກຮຽນ
• ມີເບ້ຍລ້ຽງໃຫ້ແກ່ຜູ້ຮຽນ

ສິ່ງອໍານວຍຄວາມສະດວກ:

• ມີຫ້ອງປະຕິບັດ
• ມີວັດສະດຸ ແລະ ອຸປະກອນເຄື່ອງໃຊ້ໃນການຮຽນ.

ຄວາມຮູ້ ແລະ ທັກສະພາຍຫຼັງການຮຽນຈົບ:

• • • • ໃຫ້ຂໍ້ມູນກ່ຽວກັບການບໍລິການໃນສະຖານທີ່ພັກ, ຊັກລີດເສື້ອຜ້າແຂກ, ສະໜອງການບໍລິການຕາມຄຳຮ້ອງຂໍຂອງແຂກ.
      • ສາມາດອາະນາໄມພື້ນທີ່ສາທາລະນະ, ອະນາໄມຫ້ອງພັກແຂກ, ບໍາລຸງຮັກສາອຸປະກອນ ແລະ ສະຖານທີ່ເຮັດວຽກ
      • ສາມາດເຮັດວຽກໃນໂຮງແຮມ ຫຼື ຮ້ານອາຫານຕ່າງໆໄດ້.
•  

ວີທີສະໝັກຮຽນ

–          ຂັ້ນຕອນທີ 1: ແມ່ນພົວພັນຊື້ແບບຟອມສະໝັກເຂົ້າຮຽນ ໄດ້ທີ່ພະແນກກິດຈະການນັກຮຽນ-ນັກສຶກສາ ຂອງວິທະຍາໄລເຕັກນິກແຂວງວຽງຈັນ.

–          ຂັ້ນຕອນທີ 2: ແມ່ນປະກອບເອກະສານຕາມແບບຟອມທີ່ກຳນົດໃຫ້.

–          ຂັ້ນຕອນທີ 3: ຜູ້ສະໝັັກຮຽນຕ້ອງມາຍື່ນແບບຟອມສະໝັກດ້ວຍຕົນເອງ.

–          ຂັ້ນຕອນທີ 4: ລໍຖ້າຮັບບັດເຂົ້າຫ້ອງສອບສຳພາດ ຫຼື ສອບເສັງ.

ເອກະສານປະກອບການສະໝັກຮຽນມີ:

1. ສໍາເນົາໃບປະກາດຈົບຊັ້ນປະຖົມ
2. ຊີວະປະຫວັດນັກຮຽນ.
3. ໃບຢັ້ງຢືນສຸຂະພາບ.
4. ໃບຢັ້ງຢືນທີ່ຢູ່.
5. ຮູບຖ່າຍ 3×4 ຈໍານວນ 4 ໃບ (ຖ່າຍບໍ່ເກີນ 3 ເດືອນ)