ໂຮງຮຽນເຕັກນິກ-ວິຊາຊີບແບບປະສົມ ແຂວງອຸດົມໄຊ – ສາຂາ ການບໍລິການທ່ອງທ່ຽວ ແລະ ນໍາທ່ຽວ – ລາຍລະອຽດ
ເດືອນກັນຍາ 29, 2020 2020-12-09 7:52ໂຮງຮຽນເຕັກນິກ-ວິຊາຊີບແບບປະສົມ ແຂວງອຸດົມໄຊ – ສາຂາ ການບໍລິການທ່ອງທ່ຽວ ແລະ ນໍາທ່ຽວ – ລາຍລະອຽດ
ສາຂາ ການບໍລິການທ່ອງທ່ຽວ ແລະ ນໍາທ່ຽວ
ເວລາຮຽນ 2 ປີ (ຊັ້ນກາງ 12+2)
ຄວາມໝາຍ ແລະ ຄວາມສຳຄັນ :
ການຮຽນໃນສາຂາ ບໍລິການທ່ອງທ່ຽວ ແລະ ນໍາທ່ຽວ ຄືການຮຽນຮູ້ກ່ຽວກັບການວາງແຜນ ແລະ ການບໍລິການທ່ອງທ່ຽວພາຍໃນປະເທດແບບອະນຸລັກ ໂດຍສະເພາະການທ່ອງທ່ຽວໃນຮູບແບບເປັນກຸ່ມ. ນອກຈາກນັ້ນ, ຍັງມີສຶກສາກ່ຽວກັບການປະສານງານສຳລັບວຽກງານການທ່ອງທ່ຽວຂະແໜງຕ່າງໆ ແລະ ການບໍລິການທ່ອງທ່ຽວ. ການສຶກສາກ່ຽວກັບສາຂານີ້ຢ່າງລະອຽດ ເປັນສິ່ງສຳຄັນຕໍ່ຄຸນນະພາບການບໍລິການ ແລະ ນໍາທ່ຽວຂອງພະນັກງານໃນອຸດສະຫະກຳນີ້ ເນື່ອງຈາກພວກເຂົາຈະເຮັດໜ້າທີ່ເປັນດັ່ງຕົວແທນໃນການບອກເລົ່າ ແລະ ແນະນໍາຂໍ້ມູນຂ່າວສານ ກ່ຽວກັບວັດທະນະທຳ ແລະ ປະເພນີຂອງຊາດ.
ຈຸດປະສົງ :
ສ້າງໃຫ້ຜູ້ຮຽນມີຄວາມຮູ້, ທັກສະອາຊີບ ແລະ ປະສົບການດ້ານທັກສະກ່ຽວກັບການບໍລິການທ່ອງທ່ຽວໃຫ້ກົງກັບມາດຕະຖານອາຊີບ ເພື່ອນຳໄປປະຕິບັດງານວິຊາສະເພາະໄດ້ຢ່າງມີປະສິດທິພາບ ແທດເໝາະກັບຄວາມຕ້ອງການຂອງຕະຫຼາດແຮງງານ.
ສ້າງໃຫ້ຜູ້ຮຽນມີຫົວຄິດປະດິດສ້າງ, ແກ້ໄຂບັນຫາໄດ້ ແລະ ມີຄວາມສາມາດປະຕິບັດໜ້າທີ່ວຽກງານດ້ານວິຊາສະເພາະຕາມລະດັບທີ່ຕົນຮຽນຈົບ.
ສ້າງໃຫ້ຜູ້ຮຽນມີມະນຸດສຳພັນດີ, ມີຄຸນນະທຳ, ຈະລິຍະທຳ ແລະ ຈັນຍາບັນໃນອາຊີບ.
ເງື່ອນໄຂຜູ້ເຂົ້າຮຽນກ່ຽວຂ້ອງ:
- ຕ້ອງຮຽນຈົບມັດທະຍົມຕອນປາຍ ຫຼື ທຽບເທົ່າ
ວິຊາຮຽນທີ່ກ່ຽວຂ້ອງ :
- ການເມືອງ
- ລາວສຶກສາ
- ການສື່ສານເປັນພາສາອັງກິດ
- ການເຮັດວຽກກັບພະນັກງານລູກຄ້າ
- ການນໍາໃຊ້ເຄື່ອງມືຂະບວນການຕ່າງໆທາງດ້ານທຸລະກິດ
- ພາສາອັງກິດສໍາລັບການໂຮງແຮມ-ການທ່ອງທ່ຽວ
- ການພັດທະນາທາງດ້ານຄວາມຮູ້ອຸດສາຫະກຳການທ່ອງທ່ຽວແລະການບໍລິການ
- ການສ້າງການບໍລິການໃຫ້ແກ່ລູກຄ້າຢ່າງມີປະສິດທິພາບ
- ການຮັກສາຄວາມປອດໄພ-ຄວາມສະຫງົບໃນບ່ອນເຮັດວຽກ
- ການບຳລຸງຮັກສາຄວາມສະອາດ-ສຸຂະອານາໄມໃນບ່ອນເຮັດວຽກ
- ການກຳນົດອົງປະກອບຂອງການທ່ອງທຽ່ວພາຍໃນປະເທດ
- ການປະສານງານສໍາລັບການທ່ອງທ່ຽວ
- ຄອມພິວເຕີ
- ພື້ນຖານກະຕະຫຼາດ-ການປະກອບອາຊີບສຳຫຼັບການທ່ອງທຽວ-ການໂຮງແຮມ
- ການກໍານົດອົງປະກອບການທ່ອງທ່ຽວແບບສາກົນ
- ການຈອງໂຮງແຮມ-ປີ້ຍົນ
- ການສ້າງລາຍການທ່ອງທ່ຽວ
- ຝຶກງານ 640 ຊົ່ວໂມງ
ນະໂຍບາຍຕ່າງໆ:
ນັກສຶກສາທີ່ເຂົ້າມາຮຽນກັບທາງໂຮງຮຽນຂອງພວກເຮົາຈະໄດ້ຮັບເງິນເບ້ຍລ້ຽງຈາກທາງລັດຖະບານສະໜັບສະໜຸນ.
ສິ່ງອໍານວຍຄວາມສະດວກ:
– ມີຫໍພັກໃຫ້ນັກສຶກສາຍິງ ແລະ ຊາຍ
– ມີສະຖານທີ່ຫຼີ້ນກິລາ
– ມີຫໍສະໝຸດ ແລະ ຫ້ອງຮຽນຄອມພິວເຕີ
– ມີນະໂຍບາຍ ແລະ ສະຫວັດດີການດີ
ຄວາມຮູ້ ແລະ ທັກສະພາຍຫຼັງການຮຽນຈົບ:
ຈົບໄປແລ້ວສາມາດເຮັດອາຊີບຜູ້ໃຫ້ບໍລິການທາງດ້ານການເດີນທາງ ແລະ ທ່ອງທ່ຽວ.
ເຮັດວຽກນຳກະຊວງ, ພະແນກ, ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.
ສາມາດເຮັດວຽກນຳບໍລິສັດນຳທ່ຽວ, ຮ້ານອາຫານ, ໂຮງແຮມ ແລະ ເຮັດທຸລະກິດທາງດ້ານການທ່ອງທ່ຽວ.
ວິທີສະໝັກຮຽນ
- ຂັ້ນຕອນທີ 1: ກອກຂໍ້ມູນຜູ້ສະໝັກ.
- ຂັ້ນຕອນທີ 2: ເລືອກສາຂາທີ່ຕ້ອງການສະໝັກ.
- ຂັ້ນຕອນທີ 3: ພິມໃບສະໝັກ.
- ຂັ້oຕອນທີ 4: ຍື່ນໃບສະໝັກ.
- ຂັ້ນຕອນທີ 5: ສຳພາດເຂົ້າຮຽນ.
ເອກະສານປະກອບການສະໝັກຮຽນມີ:
- ສໍາເນົາໃບປະກາດຈົບຊັ້ນມັດທະຍົມຕອນປາຍ ຫຼື ທຽບເທົ່າ
- ປະຫວັດນັກຮຽນ 1 ສະບັບ
- ໃບເຂົ້າຫ້ອງສອບເສັງ
- ຮູບຂະໜາດ 3×4 ຈໍານວນ 3 ແຜ່ນ (ຖ່າຍບໍ່ເກີນ 3 ເດືອນ)
- ກ໋ອບປີ້ສໍາມະໂນຄົວ 1 ສະບັບ
- ກໍລະນີເປັນພະນັກງານ: ຕ້ອງມີໃບອະນຸຍາດ, ໃບນໍາສົ່ງຈາກພາກສ່ວນທີ່ກ່ຽວຂ້ອງກາແດງ 1 ສະບັບ
- ໃບຍົກຍ້າຍອົງການຈັດຕັ້ງມະຫາຊົນ