ໂຮງຮຽນເຕັກນິກ-ວິຊາຊີບແບບປະສົມນໍ້າ ຫຼວງພະບາງ – ສາຂາ ປຸງແຕ່ງອາຫານ ແລະ ບໍລິການເຄື່ອງດື່ມ – ລາຍລະອຽດ

ຄວາມໝາຍ ແລະ ຄວາມສຳຄັນ :

ການຮຽນໃນສາຂາປຸງແຕ່ງອາຫານ ແລະ ບໍລິການເຄື່ອງດື່ມ ຄືການຮຽນຮູ້ວິທີການປຸງແຕ່ງອາຫານທີ່ ແຊບ ແລະ ຖືກຕ້ອງຕາມໂພສະນາການ, ຮຽນຮູ້ກ່ຽວກັບການປະສົມເຄື່ອງດື່ມປະເພດຕ່າງໆ ໂດຍເສີມສ້າງແນວຄດສ້າງສັນໃນການສັນສ້າງອາຫານ ແລະ ເຄື່ອງດື່ມຕ່າງໆ.  ການປຸງແຕ່ງອາຫານ ແລະ ການບໍລິການເຄື່ອງດື່ມ ຄືໝາກຫົວໃຈຫຼັກຂອງທຸລະກິດຮ້ານອາຫານ ນອກຈາກການບໍລິການ ແລະ ບັນຍາກາດຂອງສະຖານທີ່ ທີ່ຈະສ້າງຄວາມປະທັບໃຈໃຫ້ກັບແຂກ ລົດຊາດອາຫານ ແລະ ເຄື່ອງດື່ມທີ່ແຊບຊ້ອຍຈະເຮັດໃຫ້ແຂກເພິ່ງພໍໃຈ ແລະ ກັບມາໃຊ້ບໍລິການອີກຄັ້ງ.

ຈຸດປະສົງ :

• ສ້າງໃຫ້ຜູ້ຮຽນມີຄວາມຮູ້, ມີທັກສະອາຊີບ ແລະ ປະສົບການດ້ານການປຸງແຕ່ງອາຫານ ແລະ ບໍລິການ ໃຫ້ກົງກັບມາດຕະຖານອາຊີບ, ສາມາດນຳໄປປະຕິບັດວຽກງານໃນວິຊາສະເພາະທີ່ໄດ້ຮຽນມາ, ຢ່າງມີປະສິດທິພາບ ແລະ ແທດເໝາະກັບຄວາມຕ້ອງການຂອງຕະຫຼາດແຮງງານ.
• ສ້າງຫົວຄິດປະດິດສ້າງ, ແກ້ໄຂບັນຫາໄດ້ ແລະ ມີຄວາມສາມາດປະຕິບັດໜ້າທີ່ວຽກງານທາງດ້ານວິຊາສະເພາະຕາມລະດັບທີ່ຕົນຮຽນຈົບ.
• ສ້າງໃຫ້ຜູ້ຮຽນມີມະນຸດສຳພັນດີ, ມີຄຸນນະທຳ, ຈະລິຍະທຳ ແລະ ຈັນຍາບັນໃນອາຊີບ.

ເງື່ອນໄຂຜູ້ເຂົ້າຮຽນກ່ຽວຂ້ອງ:

• ຕ້ອງຮຽນຈົບມັດທະຍົມຕອນຕົ້ນ ຫຼື ທຽບເທົ່າ

ວິຊາຮຽນທີ່ກ່ຽວຂ້ອງ :

1. ນຳໃຊ້ການເມືອງພື້ນຖານ
2. ພາສາອັງກິດສະເພາະ
3. ຄະນິດສາດ
4. ພາສາລາວ
5. ພື້ນຖານກ່ຽວກັບການທ່ອງທ່ຽວ
6. ການເຮັດວຽກແບບມືອາຊີບ
7. ການໃຫ້ບໍລິການ ແລະ ຮັກສາຄວາມສະອາດ
8. ປຸງແຕ່ງອາຫານ ຄາວ-ຫວານ 
9. ຕົບແຕ່ງງານໃບຕອງ
10. ຄອມພີວເຕີ
11. ພາສາອັງກິດການໂຮງແຮມ
12. ພື້ນຖານການທ່ອງທ່ຽວ
13. ແກະສະຫຼັກຜັກໝາກໄມ້
14. ມະນຸດສຳພັນ
15. ບົດບາດຍິງ-ຊາຍ
16. ແກະສະຫຼັກຜັກໝາກໄມ້
17. ຄວາມຮູ້ກ່ຽວກັບທຸລະກິດໂຮງແຮມ
18. ພາສາອັງກິດສະເພາະ
19. ແນະນຳການບໍລິການລູກຄ້າ
20. ແກະສະຫຼັກ
21. ທັກສະແບບມືອາຊີບ
22. ການແກ້ໄຂບັນຫາ
23. ພາສາລາວ
24. ການບໍລິການອາຫານ ແລະ ເຄື່ອງດື່ມ
25. ແກະສະຫຼັກ
26. ການໂຮງແຮມ
27. ລົງຝຶກງານ

ນະໂຍບາຍຕ່າງໆ:

• ນັກສຶກສາທີ່ເຂົ້າມາຮຽນໃນໂຮງຮຽນຂອງພວກເຮົາຈະໄດ້ຮັບເງິນເບ້ຍລ້ຽງຈາກທາງລັດຖະບານສະໜັບສະໜຸນ.

• ນະໂຍບາຍທາງດ້ານການເຈັບເປັນໃຫ້ນັກສຶກສາ.

• ນະໂຍບາຍສະຫວັດດີການເສຍຊີວິດ.

• ນັກສຶກສານ້ອງໃດທີ່ນອນໃນຫໍພັກໃນ ແລະ ປະກອບຊ່ວຍວຽກໃນຫໍພັກເປັນປ້ອງກັນຂອງໂຮງຮຽນຈະມີນະໂຍບາຍບໍ່ໃຫ້ເສຍຄ່າຫໍພັກ.

ສິ່ງອໍານວຍຄວາມສະດວກ:

–   ມີຫໍພັກໃຫ້ນັກສຶກສາທັງຍິງ ແລະ ຊາຍ

–   ມີຫ້ອງອາຫານໃຫ້

–   ມີຫ້ອງຄົວແຕ່ງກິນ

–   ມີຫ້ອງຮຽນຄອມພີວເຕີ

–   ມີຫ້ອງສະໝຸດ

–   ມີເດີນກິລາ

–   ສະຖານທີປະຕິບັດ ແລະ ລົງຝຶກງານພາຍນອກ

ຄວາມຮູ້ ແລະ ທັກສະພາຍຫຼັງການຮຽນຈົບ:

• ຮູ້ຮັກສາຄວາມປອດໄພໃນບ່ອນເຮັດວຽກ, ນຳໃຊ້ເຄື່ອງມື ແລະ ອຸປະກອນຕ່າງໆ.

• ມີຄວາມອົດທົນ ແລະ ມີຄວາມຮັບຜິດຊອບຕໍ່ໜ້າທີ່.

• ມີຄວາມຊື່ສັດສຸດຈະລິດຕໍ່ຕົນເອງ, ໝູ່ເພື່ອນ ແລະ ເປັນເຈົ້າການໃນການປົກປັກຮັກສາຄວາມປອດໄພທັງຊີວິດ, ຊັບສິນຂອງສ່ວນລວມ ແລະ ສ່ວນຕົວ.

• ມີທັກສະໃນການເຮັດວຽກ.

• ສາມາດແກ້ໄຂບັນຫາຕ່າງໆໄດ້.

• ສາມາດປະກອບອາຊີບຢູ່ຮ້ານອາຫານ ຫຼື ໂຮງແຮມໄດ້.
• ສາມາດເປີດທຸລະກິດເປີດຮ້ານອາຫານເປັນຂອງຕົນເອງໄດ້

ວິທີສະໝັກຮຽນ

–          ຂັ້ນຕອນທີ 1: ຊື້ແບບຟອມການສະໝັກເຂົ້າຮຽນ.

–          ຂັ້ນຕອນທີ 2: ຕື່ມຂໍ້ມູນໃສ່ແບບຟອມໃຫ້ຄົບຖ້ວນ (ເອກະສານປະກອບການສະໝັກມີ: ຊີວະປະຫວັດຫຍໍ້, ໃບປະກາດ, ໃບຄະແນນ, ປື້ມສໍາມະໂນຄົວ).

–          ຂັ້ນຕອນທີ 3: ເອົາແບບຟອມເຂົ້າມາຍື່ນທີ່ໂຮງຮຽນ ແລະ ສອບສໍາພາດ.

ເອກະສານປະກອບການສະໝັກຮຽນມີ:

1. ໃບຄໍາຮ້ອງຂໍເຂົ້າສໍາພາດ
2. ສໍາເນົາໃບປະກາດຈົບຊັ້ນມັດທະຍົມຕອນຕົ້ນ ຫຼື ທຽບເທົ່າ
3. ຮູບຂະໜາດ 3×4 (ຖ່າຍບໍ່ເກີນ 3 ເດືອນ) ຈໍານວນ 3 ໃບ
4. ປື້ມສໍາມະໂນຄົວ ຫຼື ບັດປະຈໍາຕົວ