ໂຮງຮຽນເຕັກນິກ-ວິຊາຊີບແບບປະສົມ ແຂວງເຊກອງ – ສາຂາ ການປຸງແຕ່ງ ແລະ ການບໍລິການ – ລາຍລະອຽດ

ຄວາມໝາຍ ແລະ ຄວາມສຳຄັນ :

ການຮຽນໃນສາຂາປຸງແຕ່ງອາຫານ ແລະ ບໍລິການເຄື່ອງດື່ມ ຄືການຮຽນຮູ້ວິທີການປຸງແຕ່ງອາຫານທີ່ ແຊບ ແລະ ຖືກຕ້ອງຕາມໂພສະນາການ, ຮຽນຮູ້ກ່ຽວກັບການປະສົມເຄື່ອງດື່ມປະເພດຕ່າງໆ ໂດຍເສີມສ້າງແນວຄດສ້າງສັນໃນການສັນສ້າງອາຫານ ແລະ ເຄື່ອງດື່ມຕ່າງໆ.  ການປຸງແຕ່ງອາຫານ ແລະ ການບໍລິການເຄື່ອງດື່ມ ຄືໝາກຫົວໃຈຫຼັກຂອງທຸລະກິດຮ້ານອາຫານ ນອກຈາກການບໍລິການ ແລະ ບັນຍາກາດຂອງສະຖານທີ່ ທີ່ຈະສ້າງຄວາມປະທັບໃຈໃຫ້ກັບແຂກ ລົດຊາດອາຫານ ແລະ ເຄື່ອງດື່ມທີ່ແຊບຊ້ອຍຈະເຮັດໃຫ້ແຂກເພິ່ງພໍໃຈ ແລະ ກັບມາໃຊ້ບໍລິການອີກຄັ້ງ.

ຈຸດປະສົງ :

• ສ້າງໃຫ້ຜູ້ຮຽນຮູ້ມີຄວາມຮູ້, ມີທັກສະອາຊີບ ແລະ ປະສົບການດ້ານທັກສະກ່ຽວກັບການປຸງແຕ່ງ ແລະ ການບໍລິການ.
• ເພື່ອໃຫ້ມີຄວາມສາມາດປະຕິບັດໜ້າທີ່ວຽກງານດ້ານວິຊາສະເພາະຕາມລະດັບຕາມທີ່ຕົນຮຽນຈົບ.

ເງື່ອນໄຂຜູ້ເຂົ້າຮຽນກ່ຽວຂ້ອງ:

• ຕ້ອງຮຽນຈົບມັດທະຍົມຕອນຕົ້ນ ຫຼື ທຽບເທົ່າ

ວິຊາຮຽນທີ່ກ່ຽວຂ້ອງ :

1. ການປຸງແຕ່ງອາຫານລາວ
2. ງານໃບຕອງ
3. ອາຫານຫວານ
4. ແກະສະຫຼັກ
5. ໂພສະນາການ
6. ຖະໜອມອາຫານ
7. ການເຮັດເຄື່ອງດື່ມ
8. ສຸກຂາອະນາໄມ
9. ແມ່ບ້ານ

ນະໂຍບາຍຕ່າງໆ:

• ນັກສຶກສາແມ່ນໄດ້ຮັບເບ້ຍລ້ຽງ (ສໍາລັບນັກສຶກສາໃນແຜນ).

ສິ່ງອໍານວຍຄວາມສະດວກ:

• ມີຫໍພັກໃຫ້ກັບນັກສຶກສາຍິງ-ຊາຍ
• ມີຫອ້ງຮຽນ
• ຫ້ອງຄົວຝຶກງານ
• ອຸປະກອນການໃຊ້ໃນຫ້ອງຄົວ ແລະ ສະຖານທີ່ຮຽນຕ່າງໆ.

ຄວາມຮູ້ ແລະ ທັກສະພາຍຫຼັງການຮຽນຈົບ:

• ມີຄວາມຮູ້ໃນການປຸງແຕ່ງອາຫານລາວ
• ການແກະສະລັກໝາກໄມ້ ແລະ ຂອງຫວານຕ່າງໆ
• ມີທັກສະການບໍລິການອາຫານແລະເຄື່ອງດື່ມ.
• ມີຄວາມຮູ້ທາງດ້ານສຸຂະອະນາໄມຂອງການປຸງແຕ່ງອາຫານ
• ສາມາດປະກອບອາຊີບຢູ່ຮ້ານອາຫານ ຫຼື ໂຮງແຮມໄດ້
• ສາມາດເປີດຮ້ານອາຫານເປັນຂອງຕົນເອງໄດ້
•  

ວິທີສະໝັກຮຽນ

• ຂັ້ນຕອນທີ 1: ຊື້ຄໍາຮ້ອງສະໝັກເຂົ້າຮຽນດ້ວຍຕົນເອງ.
• ຂັ້ນຕອນທີ 2: ປະກອບເອກສານໃຫ້ຄົບຖ້ວນ ແລະ ຖືກຕ້ອງ.
• ຂັ້ນຕອນທີ 3: ຢືນເອກະສານ ແລະ ສໍາພາດ (ຕາມກໍານົດເວລາ).
• ຂັ້ນຕອນທີ 4: ລໍຖ້າຜົນການສໍາພາດ ແລະ ລົງທະບຽນເຂົ້າຮຽນ.

ເອກະສານປະກອບການສະໝັກຮຽນມີ:

1.  ສໍາເນົາໃບປະກາດສະນີຍະບັດຈົບຊັ້ນມັດທະຍົມຕອນຕົ້ນ ຫຼື ທຽບເທົ່າ·        
2. ໃບຄະແນນ
3. ຊີວະປະຫວັດນັກຮຽນ
4. ໃບຢັ້ງຢືນທີ່ຢູ່
5. ໃບຢັ້ງຢືນສຸຂະພາບ
6. ຕ້ອງມີໃບອະນຸຍາດຈາກກົມກອງ (ກໍລະນີເປັນພະນັກງານ)
7. ສໍາເນົາປື້ມສໍາມະໂນຄົວ 1 ສະບັບ
8. ຮູບຂະໜາດ 3×4 ຈໍານວນ 6 ໃບ (ຖ່າຍບໍ່ເກີນ 3 ເດືອນ)