ໂຮງຮຽນເຕັກນິກ-ວິຊາຊີບແບບປະສົມ ແຂວງສາລະວັນ – ສາຂາ ການບໍລິການໂຮງແຮມ – ລາຍລະອຽດ

ຄວາມໝາຍ ແລະ ຄວາມສຳຄັນ :

ການຮຽນໃນສາຂາການບໍລິການໂຮງແຮມຄືການຮຽນຮູ້ກ່ຽວກັບການປະສານງານ ແລະ ໃນການປະຕິບັດງານກັບພະແນກຕ່າງຯຂອງໂຮງແຮມ ເພື່ອໃຫ້ການດຳເນີນງານໃນທຸກດ້ານຂອງໂຮງຮຽນສອດຄ່ອງ ແລະ ມີປະສິດທິພາບ. ອຸດສະຫະກຳບໍລິການຮັບຕ້ອນ ແມ່ນມີຄວາມສຳຄັນຕໍ່ການພັດທະນາເສດຖະກິດ-ສັງຄົມຢ່າງຫຼວງຫຼາຍ ແລະ ພວກເຮົາຕ້ອງການບຸກຄະລາກອນທີ່ມີຄວາມຮູ້ຄວາມສາມາດ ເພື່ອໃຫ້ບໍລິການໃນລະດັບມືອາຊີບ ແລະ ພັດທະນາມາດຕະຖານໃນອຸດສະຫະກຳນີ້ໃຫ້ໄດ້ລະດັບສາກົນ.

ຈຸດປະສົງ :

• ສ້າງໃຫ້ຜູ້ຮຽນມີຄວາມຮູ້,ມີທັກສະອາຊີບ ແລະ ປະສົບການດ້ານທັກສະກ່ຽວກັບ ການບໍລິການ ໂຮງແຮມ ກົງກັບມາດຕະຖານອາຊີບ ສາມາດນໍາໄປປະຕິບັດວຽກງານ ໃນວິຊາສະເພາະຢ່າງມີປະສິດທິພາບ ແລະ ແທດເໝາະກັບຄວາມຕ້ອງການ ຂອງຕະຫຼາດແຮງງານ.
• ສ້າງໃຫ້ຜູ້ຮຽນມີຫົວຄິດປະດິດສ້າງ, ແກ້ໄຂປັນຫາໄດ້ ແລະ ມີຄວາມສາມາດປະຕິບັດໜ້າທີ່ວຽກງານດ້ານວິຊາສະເພາະ ຕາມລະກັບທີ່ຕົນຮຽນຈົບມາ.
• ສ້າງໃຫ້ຜູ້ຮຽນມີມະນຸດສໍາພັນດີ,ມີຄຸນະທໍາ,ຈະລິຍະທໍາ ແລະ ຈັນຍາບັນໃນອາຊີບ.
• ສ້າງໃຫ້ຜູ້ຮຽນ ກາຍເປັນບຸກຄະລາກອນ ທີ່ມີສີມືສອດຄ່ອງກັບຄວາມຮຽນຮ້ອງຕ້ອງການ ຂອງຕະຫຼາດແຮງງານ ແລະ ການປ່ຽນແປງທາງດ້ານສະພາບແວດລ້ອມ, ເສດຖະກິດ ແລະ ສັງຄົມ.

ເງື່ອນໄຂຜູ້ເຂົ້າຮຽນກ່ຽວຂ້ອງ:

• ຕ້ອງຮຽນຈົບມັດທະຍົມຕອນປາຍ ຫຼື ທຽບເທົ່າ

ວິຊາຮຽນທີ່ກ່ຽວຂ້ອງ :

1. ໝວດວິຊາພຶ້ນຖານ:

• ການເມືອງ
• ວິຊາວັດທະນະທໍາລາວ
• ວິຊາການສື່ສານເປັນພາສາອັງກິດ
• ການນໍາໃຊ້ເຄື່ອງມື ແລະ ຂະບວນການຕ່າງໆທາງດ້ານທຸລະກິດ
• ການເຮັດວຽກກັບເພື່ອຮ່ວມງານ ແລະ ລູກຄ້າ

2. ໝວດວິຊາທົ່ວໄປ:

• ພາສາອັງກິດສໍາລັບໂຮງແຮມ ແລະ ການທ່ອງທ່ຽວ
• ການປະກອບທຸລະກິດສໍາລັບທຸລະກິດການທ່ອງທ່ຽວ ແລະ ການບໍລິການ
• ການນໍາໃຊ້ອຸປະກອນສື່ສານສໍາລັບການທ່ອງທ່ຽວ ແລະ ການບໍລິການທ່ອງທ່ຽວ
• ການຮັກສາຄວາມປອດໄພ ແລະ ຄວາມສະຫງົບໃນບ່ອນເຮັດວຽກ
• ການບໍລຸງຮັກສາຄວາມສະອາດ ແລະ ສຸຂະອະນາໄມໃນບ່ອນເຮັດວຽກ
• ການສ້າງບໍລິການໃຫ້ແກ່ລູກຄ້າຢ່າງມີປະສິດທິພາບ
• ການພັດທະນາຄວາມຮູ້ທາງດ້ານອຸດສະຫະກໍາການທ່ອງທ່ຽວ ແລະ ການບໍລິການ

3. ໝວດວິຊາຫຼັກ:

• ການພັດທະນາຄວາມຮູ້ກ່ຽວກັບການດໍາເນີນການໂຮງແຮມ
• ການດໍາເນີນການຄວບຄຸມການຊັກລີດ
• ການສະໜອງການບໍລິການຕ້ອນຮັບພາກສ່ນໜ້າ
• ການສະໜອງການບໍລິການອະນາໄມໃຫ້ແກ່ແຂກ
• ການຈັດກອງປະຊຸມລະດັບສາກົນ ແລະ ການຈັດງານກິດຈະກໍາຕ່າງໆ

ນະໂຍບາຍຕ່າງໆ:

• ຜູ້ທີ່ຮຽໃນສາຂານີ້ແມ່ນຈະບໍ່ໄດ້ເສຍຄ່າຮຽນ.
• ມີເອກະສານໃຫ້.
• ຜູ້ຮຽນຈະບໍ່ໄດ້ເສຍຄ່າວັດຖຸອຸປະກອນ ໃນການຮຽນພາກປະຕິບັດ.

ສິ່ງອໍານວຍຄວາມສະດວກ:

• ມີຫ້ອງຮຽນສໍາລັບພາກທິດສະດີ
• ມີຫ້ອງຄອມພິວເຕີ້
• ມີຫ້ອງຄົວ ແລະ ອຸປະກອນຮັບໃຊ້ບາງຈໍານວນ
• ມີຫ້ອງອາຫານທີ່ສາມາດຮັບຈັດງານລ້ຽງ
• ມີຫ້ອງພັກສໍາລັບການຮຽນພາກປະຕິບັດ
• ມີພະແນກຕ້ອນຮັບ
• ໂຕະເຄົ້າເຕີ້ ສໍາລັບການຮຽນການບໍລິການພາກສ່ວນໜ້າ
• ມີຫ້ອງຊັກລີດ
• ມີຫ້ອງປະຊຸມສໍາລັບການຈັດງານລ້ຽງ ແລະ ກອງປະຊຸມຕ່າງໆ ນ
• ອຸປະກອນເຄື່ອງໃຊ້ ທຽບເທົ່າກັບໂຮງແຮມທົ່ວໄປທີ່ຜູ້ຮຽນສາມາດນໍາໃຊ້ໃນເວລາປະຕິບັດຕົວຈິງ.

ຄວາມຮູ້ ແລະ ທັກສະພາຍຫຼັງການຮຽນຈົບ:

• ສາມາດພັດທະນາຄວາມຮູ້ກ່ຽວກັບການດຳເນີນການໂຮງແຮມ.

• ສາມາດດຳເນີນການຄວບຄຸມການຊັກລີດ.

• ຮູ້ວິທີສະໜອງການບໍລິການຕ້ອນຮັບພາກສ່ວນໜ້າ.

• ສາມາດສະໜອງການບໍລິການອານາໄມໃຫ້ແກ່ແຂກ.

• ສາມາດສະໜອງການບໍລິການຂອງພະແນກຫ້ອງພັກ.

• ສາມາດປະກອບອາຊີບເຮັດວຽກຢູ່ໃນໂຮງແຮມໄດ້.

ວິທີສະໝັກຮຽນ

• ຂັ້ນຕອນທີ 1: ເຂົ້າມາພົວພັນເອົາແບບຟອມຕາມໂມງລັດຖະການ.
• ຂັ້ນຕອນທີ 2: ປະກອບເອກະສານຕາມທີ່ແບບຟອມ, ພ້ອມກອບປີ້ເອກະສານທີ່ກ່ຽວຂ້ອງເຊັ່ນ: ໃບປະກາດ, ໃບຄະແນນ, ປຶ້ມສະມະໂນຄົວ, ໃບຢັ້ນຢືນທີ່ຢູ່, ຮູບຂະໜາດ 4×6 ຈໍານວນ 4 ໃບ.
• ຂັ້ນຕອນທີ 3: ເຂົ້າສໍາພາດ, ສອບເສັງ (ສໍາລັບສາຂາ: ໄຟຟ້າເຕັກນິກ,ສ້ອມແປງທົ່ວໄປ).
• ຂັ້ນຕອນທີ 4: ຄັດເລືອກ, ແຈ້ງລາຍຊື່ຜູ້ທີ່ຜ່ານການຄັດເລືອກ.

ເອກະສານປະກອບການສະໝັກຮຽນມີ:

1. 1. 1. ໃບຄໍາຮ້ອງຂໍເຂົ້າຮຽນ
      2. ຊີວະປະຫວັດນັກຮຽນ
      3. ສໍາເນົາໃບປະກາດຈົບຊັ້ນມັດທະຍົມຕອນປາຍ ຫຼື ທຽບເທົ່າ
      4. ໃບຄະແນນ
      5. ໃບຢັ້ງຢືນທີ່ຢູ່ ແລະ ປື້ມສໍາມະໂນຄົວ
      6. ຮູບຂະໜາດ 3×4 (ຖ່າຍບໍ່ເກີນ 3 ເດືອນ) ຈໍານວນ 6 ໃບ