ໂຮງຮຽນເຕັກນິກ-ວິຊາຊີບແບບປະສົມ ແຂວງສາລະວັນ – ສາຂາ ການປຸງແຕ່ງອາຫານ ແລະ ການບໍລິການເຄື່ອງດື່ມ – ລາຍລະອຽດ

ຄວາມໝາຍ ແລະ ຄວາມສຳຄັນ :

ການຮຽນໃນສາຂາປຸງແຕ່ງອາຫານ ແລະ ບໍລິການເຄື່ອງດື່ມ ຄືການຮຽນຮູ້ວິທີການປຸງແຕ່ງອາຫານທີ່ ແຊບ ແລະ ຖືກຕ້ອງຕາມໂພສະນາການ, ຮຽນຮູ້ກ່ຽວກັບການປະສົມເຄື່ອງດື່ມປະເພດຕ່າງໆ ໂດຍເສີມສ້າງແນວຄດສ້າງສັນໃນການສັນສ້າງອາຫານ ແລະ ເຄື່ອງດື່ມຕ່າງໆ.  ການປຸງແຕ່ງອາຫານ ແລະ ການບໍລິການເຄື່ອງດື່ມ ຄືໝາກຫົວໃຈຫຼັກຂອງທຸລະກິດຮ້ານອາຫານ ນອກຈາກການບໍລິການ ແລະ ບັນຍາກາດຂອງສະຖານທີ່ ທີ່ຈະສ້າງຄວາມປະທັບໃຈໃຫ້ກັບແຂກ ລົດຊາດອາຫານ ແລະ ເຄື່ອງດື່ມທີ່ແຊບຊ້ອຍຈະເຮັດໃຫ້ແຂກເພິ່ງພໍໃຈ ແລະ ກັບມາໃຊ້ບໍລິການອີກຄັ້ງ.

ຈຸດປະສົງ :

• ສ້າງໃຫ້ຜູ້ຮຽນມີຄວາມຮູ້, ມີທັກສະອາຊີບ ແລະ ປະສົບການດ້ານທັກສະກ່ຽວກັບການປຸງແຕ່ງອາຫານ ແລະ ການບໍລິການອາຫານເຄື່ອງດື່ມ ກົງກັບມາດຕະຖານອາຊີບ ສາມາດນໍາໄປປະຕິບັດ ວຽກງານດ້ານວິຊາສະເພາະ ຢ່າງມີປະສິດທິພາບ ແລະ ແທດເໝາະກັບຄວາມຕ້ອງການ ຂອງຕະຫຼາດແຮງງານ.
• ສ້າງໃຫ້ຜູ້ຮຽນມີຫົວຄິດປະດິດສ້າງ, ແກ້ໄຂບັນຫາໄດ້ ແລະ ມີຄວາມສາມາດປະຕິບັດໜ້າທີ່ວຽ.ງານດ້ານວິຊາສະເພາະຕາມທີ່ຕົນຮຽນຈົບ.
• ສ້າງໃຫ້ຜູ້ຮຽນມມີມະນຸດສໍາພັນດີ,ມີຄຸນະທໍາ, ຈະລິຍະທໍາ ແລະ ຈັນຍາບັນໃນອາຊີບ.

ເງື່ອນໄຂຜູ້ເຂົ້າຮຽນກ່ຽວຂ້ອງ:

• ຕ້ອງຮຽນຈົບມັດທະຍົມຕອນປາຍ ຫຼື ທຽບເທົ່າ

ວິຊາຮຽນທີ່ກ່ຽວຂ້ອງ :

1. ໝວດວິຊາພຶ້ນຖານ:

• ການເມືອງ
• ວິຊາວັດທະນະທໍາລາວ
• ວິຊາການສື່ສານເປັນພາສາອັງກິດ
• ການນໍາໃຊ້ເຄື່ອງມື ແລະ ຂະບວນການຕ່າງໆທາງດ້ານທຸລະກິດ
• ການເຮັດວຽກກັບເພື່ອຮ່ວມງານ ແລະ ລູກຄ້າ

2. ໝວດວິຊາທົ່ວໄປ:

• ພາສາອັງກິດສໍາລັບໂຮງແຮມ ແລະ ການທ່ອງທ່ຽວ
• ການປະກອບທຸລະກິດສໍາລັບທຸລະກິດການທ່ອງທ່ຽວ ແລະ ການບໍລິການ
• ການນໍາໃຊ້ອຸປະກອນສື່ສານສໍາລັບການທ່ອງທ່ຽວ ແລະ ການບໍລິການທ່ອງທ່ຽວ
• ການຮັກສາຄວາມປອດໄພ ແລະ ຄວາມສະຫງົບໃນບ່ອນເຮັດວຽກ
• ການບໍລຸງຮັກສາຄວາມສະອາດ ແລະ ສຸຂະອະນາໄມໃນບ່ອນເຮັດວຽກ
• ການສ້າງບໍລິການໃຫ້ແກ່ລູກຄ້າຢ່າງມີປະສິດທິພາບ
• ການພັດທະນາຄວາມຮູ້ທາງດ້ານອຸດສະຫະກໍາການທ່ອງທ່ຽວ ແລະ ການບໍລິການ

3. ໝວດວິຊາຫຼັກ:

• ການແນະນໍາກ່ຽວກັບຫຼັກການພຶ້ນຖານໃນການປຸງແຕ່ງອາຫານ
• ການກະກຽມ ແລະ ປຸງແຕ່ງອາຫານລາວ
• ການດໍາເນີນການປຸງແຕ່ງອາຫານ
• ການວາງແຜນຈັດສົ່ງອາຫານ ແລະ ການຈັດງານລ້ຽງ
• ການບໍລິການອາຫານ ແລະ ເຄື່ອງດື່ມ
• ການກະກຽມເຂົ້າຈີ່,ເຄັກ,ເຂົ້າໜົມປະເພດອົບ ແລະ ອາຫານຫວານຂັ້ນພຶ້ນຖານ
• ການບໍລິການເຄື່ອງດື່ມໃນບາເຫຼົ້າ

ນະໂຍບາຍຕ່າງໆ:

• ມີອຸປະກອນການຮຽນ-ການສອນໃນພາກປະຕິບັດ.
• ມີວັດດຸດິບໃນການຮຽນກ່ຽວກັບການປຸງແຕ່ງອາຫານ ຫຼື ການບໍລິການໃຫ້ແກ່ນັກສຶກສາ.
• ມີເອກະສານການຮຽນ.

ສິ່ງອໍານວຍຄວາມສະດວກ:

• ມີຫ້ອງຮຽນສໍາລັບພາກທິດສະດີ
• ມີຫ້ອງຄອມພິວເຕີ້
• ມີຫ້ອງຄົວ ແລະ ອຸປະກອນຮັບໃຊ້ບາງຈໍານວນ
• ມີຫ້ອງອາຫານທີ່ສາມາດຮັບຈັດງານລ້ຽງ
• ມີຫ້ອງພັກສໍາລັບການຮຽນພາກປະຕິບັດ
• ມີພະແນກຕ້ອນຮັບ
• ໂຕະເຄົ້າເຕີ້ ສໍາລັບການຮຽນການບໍລິການພາກສ່ວນໜ້າ
• ມີຫ້ອງຊັກລີດ
• ມີຫ້ອງປະຊຸມສໍາລັບການຈັດງານລ້ຽງ ແລະ ກອງປະຊຸມຕ່າງໆ ນ
• ອຸປະກອນເຄື່ອງໃຊ້ ທຽບເທົ່າກັບໂຮງແຮມທົ່ວໄປທີ່ຜູ້ຮຽນສາມາດນໍາໃຊ້ໃນເວລາປະຕິບັດຕົວຈິງ.

ຄວາມຮູ້ ແລະ ທັກສະພາຍຫຼັງການຮຽນຈົບ:

–          ສາມາດປະກອບອາຊີບເຮັດວຽກຢູ່ຮ້ານອາຫານ ຫຼື ໂຮງແຮມໄດ້

–          ສາມາດເຮັດທຸລະກິດເປີດຮ້ານອາຫານເປັນຂອງຕົນເອງ

–          ສາມາດແນະນຳກ່ຽວກັບຫຼັກການພື້ນຖານໃນການປຸງແຕ່ງອາຫານ

–          ຮູ້ວິທີກະກຽມ ແລະ ປຸງແຕ່ງອາຫານລາວ

–          ສາມາດດຳເນີນການປຸງແຕ່ງອາຫານ

–          ຮູ້ວາງແຜນບໍລິການຈັດສົ່ງອາຫານ ແລະ ຈັດງານລ້ຽງ

–          ສາມາດບໍລິການອາຫານ ແລະ ເຄື່ອງດື່ມ

–          ຮູ້ວິທີກະກຽມເຂົ້າຈີ່, ເຄັກ, ຂະໝົມປະເພດອົບ ແລະ ອາຫານຫວານຂັ້ນພື້ນຖານ

–          ມີຄວາມຮູ້ໃນບໍລິການເຄື່ອງດື່ມໃນບາເຫຼົ້

ວິທີສະໝັກຮຽນ

• ຂັ້ນຕອນທີ 1: ເຂົ້າມາພົວພັນເອົາແບບຟອມຕາມໂມງລັດຖະການ.
• ຂັ້ນຕອນທີ 2: ປະກອບເອກະສານຕາມທີ່ແບບຟອມ, ພ້ອມກອບປີ້ເອກະສານທີ່ກ່ຽວຂ້ອງເຊັ່ນ: ໃບປະກາດ, ໃບຄະແນນ, ປຶ້ມສະມະໂນຄົວ, ໃບຢັ້ນຢືນທີ່ຢູ່, ຮູບຂະໜາດ 4×6 ຈໍານວນ 4 ໃບ.
• ຂັ້ນຕອນທີ 3: ເຂົ້າສໍາພາດ, ສອບເສັງ (ສໍາລັບສາຂາ: ໄຟຟ້າເຕັກນິກ,ສ້ອມແປງທົ່ວໄປ).
• ຂັ້ນຕອນທີ 4: ຄັດເລືອກ, ແຈ້ງລາຍຊື່ຜູ້ທີ່ຜ່ານການຄັດເລືອກ.

ເອກະສານປະກອບການສະໝັກຮຽນມີ:

1. 1. ໃບຄໍາຮ້ອງຂໍເຂົ້າຮຽນ
   2. ຊີວະປະຫວັດນັກຮຽນ
   3. ສໍາເນົາໃບປະກາດຈົບຊັ້ນມັດທະຍົມຕອນປາຍ ຫຼື ທຽບເທົ່າ
   4. ໃບຄະແນນ
   5. ໃບຢັ້ງຢືນທີ່ຢູ່ ແລະ ປື້ມສໍາມະໂນຄົວ
   6. ຮູບຂະໜາດ 3×4 (ຖ່າຍບໍ່ເກີນ 3 ເດືອນ) ຈໍານວນ 6 ໃບ