ວິທະຍາໄລເຕັກນິກ-ວິຊາຊີບ ແຂວງຄໍາມ່ວນ – ສາຂາ ອາຫານ-ການໂຮງແຮມ – ລາຍລະອຽດ

ສາຂາ ອາຫານ-ການໂຮງແຮມ
ເວລາຮຽນ 3 ປີ (ຊັ້ນກາງ 9+3)

ລາຍລະອຽດ

ຄວາມໝາຍ ແລະ ຄວາມສຳຄັນ :

ການຮຽນໃນສາຂາອາຫານ ແລະ ການໂຮງແຮມ ຄືການຮຽນຮູ້ກ່ຽວກັບການປຸງແຕ່ງ ແລະ ການບໍລິການອາຫານ-ເຄື່ອງດື່ມ ແລະ ວຽກງານດ້ານຕ່າງໆໃນການບໍລິການໃນໂຮງແຮມ ເພື່ອສ້າງໃຫ້ຜູ້ຮຽນມີທັກສະຮອບດ້ານ ໃນການປະກອບອາຊີບໃນທຸລະກິດນີ້. ວຽກງານໃນຂະແໜງການບໍລິການຮັບຕ້ອນກໍຄື ວຽກງານທາງດ້ານການໂຮງແຮມ ແລະ ຮ້ານອາຫານ ຖືເປັນອີກໜຶ່ງວຽກງານທີ່ສຳຄັນທີ່ໄດ້ຊ່ວຍຍົກລະດັບຄວາມເພິງພໍໃຈຂອງແຂກຜູ້ມາທ່ຽວຊົມ ແລະ ໃຫ້ເກີດການກັບມາໃຊ້ບໍລິການຊໍ້າອີກຄັ້ງ.

ຈຸດປະສົງ :

ແນໃສ່ເພື່ອກໍ່ສ້າງ ແລະ ພັດທະນາຊັບພະຍາກອນມະນຸດໃຫ້ມີລະດັບທາງດ້ານສີມືທີ່ເໝາະສົມ ແລະ ສອດຄ່ອງກັບຄວາມຕ້ອງການຂອງຕະຫລາດແຮງງານ, ຄວາມກ້າວໝ້າທາງດ້ານເຕັກໂນໂລຊີ ເພື່ອພັດທະນາຕົນເອງ, ເສດຖະກິດ-ສັງຄົມ ແລະ ປະເທດຊາດ.
ເພື່ອສົ່ງເສີມໃຫ້ສະຖານປະກອບການໄດ້ນໍາໃຊ້ຊັບພະຍາກອນມະນຸດທີ່ມີລະດັບທາງດ້ານສີມື, ເພື່ອປັບປຸງວຽກງານຂອງຕົນໃຫ້ເກີດມີປະສິດທິພາບ, ທັງປະຢັດ ແລະ ເກີດປະໂຫຍດສູງສຸດ
ເພື່ອພັດທະນາປະກອບອາຊີບໃຫ້ມີຄຸນນະທໍາ, ຈະລິຍະທໍາ, ເຈດຕະນາທໍາ ແລະ ມີວິໄນທີ່ດີ.
ສ້າງໃຫ້ຮູ້ຮັກອາຊີບ, ມີແນວຄິດສ້າງສັນ, ມີພາລະນາໄມ, ມີລະບຽບວິໄນ, ບຸກຄະລິກຄະພາບ ແລະ ທັງໃຫ້ຮູ້ຈັກຄວາມສວຍສົດງົດງາມ.

ເງື່ອນໄຂຜູ້ເຂົ້າຮຽນກ່ຽວຂ້ອງ:

ຕ້ອງຮຽນຈົບມັດທະຍົມຕອນຕົ້ນ ຫຼື ທຽບເທົ່າ

ວິຊາຮຽນທີ່ກ່ຽວຂ້ອງ :

ນະໂຍບາຍຕ່າງໆ:

ນັກສຶກສາແມ່ນໄດ້ຮັບເບ້ຍລ້ຽງໃນທຸກໆເດືອນ.

ສິ່ງອໍານວຍຄວາມສະດວກ:

– ມີຫໍພັກໃຫ້ຢູ່ສໍາລັບນັກສຶກສາຍິງ ແລະ ຊາຍ.

– ຫ້ອງປະຕິບັດປຸງແຕ່ງອາຫານ, ຫ້ອງປະຕິບັດການບໍລິການອາຫານ ແລະ ເຄື່ອງດື່ມ, ຫ້ອງປະຕິບັດສໍາລັບການໂຮງແຮມ.

– ອຸປະກອນໃນການປະຕິບັດປຸງແຕ່ງອາຫານ.

– ອຸປະກອນໃນການປະຕິບັດການບໍລິການອາຫານ ແລະ ເຄື່ອງດື່ມ.

– ອຸປະກອນປະສົມເຄື່ອງດື່ມ ຄ໋ອກເທ໋ວ ແລະ ມ໋ອກເທ໋ວ.

– ອຸປະກອນສໍາລັບວຽກແມ່ບ້ານ ແລະ ເຄົາເຕີໃນການຕ້ອນຮັບລູກຄ້າ.

ຄວາມຮູ້ ແລະ ທັກສະພາຍຫຼັງການຮຽນຈົບ:

– ຮູ້ນໍາໃຊ້ວັດສະດຸອຸປະກອນໃນກາຍປຸງແຕ່ງອາຫານ, ຮູ້ຈັກໂພສະນາການອາຫານ, ຮູ້ການປະກອບທຸລະກິດຂະໝາດນ້ອຍ, ຮູ້ສິນລະປະໃນການບໍລິການ.

– ສາມາດປຸງແຕ່ງອາຫານຄາວ-ຫວານເປັນ, ເຮັດເຄື່ອງດືມເພື່ອສຸຂະພາບ.

– ສາມາດຈັດດອກໄມ້ ແລະ ຕົກແຕ່ງດອກໄມ້ໃນງານຕ່າງໆ.

– ແກະສະຫລັກຜັກ ແລະ ໝາກໄມ້ເປັນລາຍຕ່າງໆ.

– ຫຍິບງ່າບາສີ, ໝາກເບັງ ແລະ ລາຍຕ່າງໃນວຽກງານໃບຕອງ.

– ມີຄວາມຮູ້ທາງດ້ານການປູຕຽງ, ອານາໄມຫ້ອງພັກຈັດ ແລະ ຕົກແຕ່ງຫ້ອງພັກໃຈຮູບແບບຕ່າງໆ, ເສີບອາຫານໃຫ້ລູກຄ້າໄດ້ຖືກວິທີ, ຕ້ອນຮັບແຂກໄດ້ຖືກຕ້ອງໃນເວລາແຂກມາໃຊ້ບໍລິການ, ພັບຜ້າເຊັດປາກເປັນລາຍຕ່າງໆ, ການຈັດໂຕະອາຫານໃນຮູບແບບຕ່າງໆ, ການຈັດອາຫານໃນງານລ້ຽງ.

– ສາມາດປະກອບອາຊີບເປັນພະນັກງານໃນຮ້ານອາຫານ ຫຼື ໂຮງແຮມໄດ້.

– ສາມາດເປີດຮ້ານອາຫານເປັນຂອງຕົນເອງໄດ້.

ວີທີສະໝັກ

ວິທີສະໝັກຮຽນ

ຂັ້ນຕອນທີ 1: ສາມາດເຂົ້າໄປໃນເວບໄຊຂອງວິທະຍາໄລ ແລ້ວດາວໂຫລດເອົາແບບຄໍາຮ້ອງຂໍສະໝັກ .
ຂັ້ນຕອນທີ 2: ປະກອບແບບຟອມໃຫ້ຖືກຕ້ອງ ແລະ ສົມບູນ.
ຂັ້ນຕອນທີ 3: ເຂົ້າມາຍື່ນແບບຟອມສໍາພາດທີ່ວິໄລທະຍາໄລ.
ຂັ້ນຕອນທີ 4: ເຂົ້າສໍາພາດໃນສາຂາທີ່ກ່ຽວຂ້ອງ.

ເອກະສານປະກອບການສະໝັກຮຽນມີ:

ໃບຄໍາຮ້ອງສະໝັກຂໍເຂົ້າຮຽນ 1 ຊຸດ
ຮູບ 3×4 ຈໍານວນ 3 ໃບ (ຖ່າຍບໍ່ເກີນ 3 ເດືອນ)
ສໍາເນົາໃບປະກາດຈົບຊັ້ນມັດທະຍົມຕອນຕົ້ນ ຫຼື ທຽບເທົ່າ
ປື້ມສໍາມະໂນຄົວ (ສະບັບກ໋ອບປີ້)

ວິທະຍາໄລເຕັກນິກ-ວິຊາຊີບ ແຂວງຄໍາມ່ວນ – ສາຂາ ອາຫານ-ການໂຮງແຮມ – ລາຍລະອຽດ