ວິທະຍາໄລເຕັກນິກ-ວິຊາຊີບ ແຂວງຈໍາປາສັກ – ສາຂາ ການບໍລິການການເດີນທາງ ແລະ ການທ່ອງທ່ຽວ 12+2+1- ລາຍລະອຽດ

ຄວາມໝາຍ ແລະ ຄວາມສຳຄັນ :

ການຮຽນໃນສາຂາ ບໍລິຫານການເດີນທາງ-ທ່ອງທ່ຽວ ຄືການຮຽນຮູ້ກ່ຽວກັບການວາງແຜນ ແລະ ການບໍລິການທ່ອງທ່ຽວພາຍໃນປະເທດແບບອະນຸລັກ ໂດຍສະເພາະການທ່ອງທ່ຽວໃນຮູບແບບເປັນກຸ່ມ. ນອກຈາກນັ້ນ, ຍັງມີສຶກສາກ່ຽວກັບການປະສານງານສຳລັບວຽກງານການທ່ອງທ່ຽວຂະແໜງຕ່າງໆ ແລະ ການບໍລິການທ່ອງທ່ຽວ. ການສຶກສາກ່ຽວກັບສາຂານີ້ຢ່າງລະອຽດ ເປັນສິ່ງສຳຄັນຕໍ່ຄຸນນະພາບການບໍລິການ ແລະ ນໍາທ່ຽວຂອງພະນັກງານໃນອຸດສະຫະກຳນີ້ ເນື່ອງຈາກພວກເຂົາຈະເຮັດໜ້າທີ່ເປັນດັ່ງຕົວແທນໃນການບອກເລົ່າ ແລະ ແນະນໍາຂໍ້ມູນຂ່າວສານ ກ່ຽວກັບວັດທະນະທຳ ແລະ ປະເພນີຂອງຊາດ.

ຈຸດປະສົງ :

• ສ້າງໃຫ້ຜູ້ຮຽນມີຄວາມຮູ້, ມີທັກສະອາຊີບ ແລະ ມີປະສົບການດ້ານການໂຮງແຮມ ແລະ ການບໍລິການກົງກັບມາດ ຕາຖານອາຊີບ ສາມາດນຳໄປປະຕິບັດວຽກງານໃນວິຊາສະເພາະທີ່ໄດ້ຮຽນມາຢ່າງມີປະສິດທິພາບ ແລະ ແທດເໝາະກັບຄວາມຕ້ອງການຂອງຕະຫຼາດແຮງງານ.
• ສ້າງໃຫ້ຜູ້ຮຽນມີຫົວຄິດປະດິດສ້າງ, ແກ້ໄຂບັນຫາໄດ້ ແລະ ມີຄວາມສາມາດໃນການປະຕິບັດໜ້າທີ່ວຽກງານດ້ານວິຊາສະເພາະຕາມລະດັບທີ່ຕົນຮຽນຈົບ.
• ສ້າງໃຫ້ຜູ້ຮຽນມີມະນຸດສຳພັນດີ, ມີຄຸນນະທໍາ, ຈະລິຍະທຳ ແລະ ຈັນຍາບັນໃນອາຊີບ.

ເງື່ອນໄຂຜູ້ເຂົ້າຮຽນກ່ຽວຂ້ອງ: 

• ຕ້ອງຮຽນຈົບຫຼັກສູດຊັ້ນກາງ

ວິຊາຮຽນທີ່ກ່ຽວຂ້ອງ :

1. ການເງິນທຸລະກິດ
2. ສິລະປະລາຍລາວ
3. ພຶດຕິກໍານັກທ່ອງທ່ຽວ
4. ກົດໝາຍກ່ຽວກັບການທ່ອງທ່ຽວ
5. ການບໍລິຫານພັດຕະຄານ ແລະ ງານລ້ຽງ
6. ຜະລິດຕະພັນ ແລະ ຂອງທີ່ລະນຶກ
7. ຫຼັກການບໍລິຫານການທ່ອງທ່ຽວ
8. ພາສີ-ອາກອນ
9. ຄວາມຮູ້ເບື້ອງຕົ້ນກ່ຽວກັບອາຫານລາວ
10. ການບໍລິຫານພັດຕະຄານ ແລະ ງານລ້ຽງ

ນະໂຍບາຍຕ່າງໆ:

• ມີຫໍພັກໃຫ້ກັບນັກສຶກສາຜູ້ທີ່ຢູ່ບ້ານໄກ, ຄອບຄົວຂາດເຂີນ.
• ມີເງິນສະຫວັດດີການໃຫ້ກັບນັກສຶກສາ ຜູ້ທີ່ເຈັບເປັນນອນໂຮງໝໍ.

ສິ່ງອໍານວຍຄວາມສະດວກ:

• ມີອິນເຕີເນັດໃຫ້ກັບນັກສຶກສາເພື່ອນຳໃຊ້ເຂົ້າໃນການເຂົ້າຫາແຫຼ່ງຂໍ້ມູນຕ່າງເພື່ອສຶກສາ ຄົ້ນຄົ້ວບົດຮຽນ.
• ມີຫ້ອງຮຽນພາກທິດສະດີ ຮັບໃຊ້ເຂົ້າໃນການຈັດການຮຽນ – ການສອນຢ່າງພຽງພໍ, ມີມາດຕາຖານ ແລະ ສວຍງາມ.
• ມີຫ້ອງຝຶກງານການປຸງແຕ່ງອາຫານ ( ຫ້ອງຄົວ ) ພ້ອມດ້ວຍອຸປະກອນຄົບຊຸດ ເພື່ອໃຫ້ນັກສຶກສາຮຽນພາກປະ ຕິບັດຕົວຈິງ.
• ມີຫ້ອງຝຶກງານການບໍລິການອາຫານ ແລະ ເຄື່ອງດື່ມ (ຫ້ອງອາຫານ ແລະ ຫ້ອງເຟ) ພ້ອມດ້ວຍອຸປະກອນຄົບຊຸດ ເພື່ອໃຫ້ນັກສຶກສາຮຽນພາກປະຕິບັດຕົວຈິງ.
• ມີຫ້ອງຝຶກງານດ້ານການໂຮງແຮມ ( ຫ້ອງພັກ ແລະ ເຄົາເຕີ້ ) ພ້ອມດ້ວຍອຸປະກອນຄົບຊຸດ ເພື່ອໃຫ້ນັກສຶກສາ ຮຽນພາກປະຕິບັດຕົວຈິງ.

ຄວາມຮູ້ ແລະ ທັກສະພາຍຫຼັງການຮຽນຈົບ:

• ສາມາດສື່ສານທາງເຕັກນິກໃນອາຊີບໄດ້ດີ.
• ສາມາດຈັດລະບົບຖານຂໍ້ມູນກ່ຽວກັບອາຊີບໄດ້.
• ສາມາດຈັດການ ແລະ ພັດທະນາຄຸນນະພາບຂອງວຽກງານໄດ້.
• ມີຄວາມຮູ້, ຄວາມສາມາດທາງດ້ານວິຊາຊີບ ການບໍລິຫານໂຮງແຮມ ແລະ ການທ່ອງທ່ຽວໃນລະດັບຊັ້ນສູງ.
• ສາມາດ ວິເຄາະວາງແຜນການເຄື່ອນໄຫວກ່ຽວກັບທຸລະກິດໄດ້.
• ສາມາດຮູ້ ແລະ ເຂົ້າໃຈ ແລະ ນຳໃຊ້ກ່ຽວກັບການຄຸ້ມຄອງບໍລິຫານໂຮງແຮມ ແລະ ການທ່ອງທ່ຽວ.
• ສາມາດຮູ້, ເຂົ້າໃຈ ແລະ ນຳໃຊ້ກົນລະຍຸດ, ຍຸດທະວິທີເຂົ້າໃນການຕະຫຼາດ.
• ສາມາດເຮັດວຽກໃນໂຮງແຮມ ຫຼື ເປັນໄກ້ນໍາທ່ຽວໄດ້.
•  

ວິທີສະໝັກຮຽນ

• ຂັ້ນຕອນທີ 1: ຊື້ແບບຟອມນຳຄະນະກຳມະການທີ່ຮັບຜິດຊອບຮັບເອົານັກສຶກສາເຂົ້າຮຽນໃໝ່ມາຂຽນ.
• ຂັ້ນຕອນທີ 2: ສົ່ງແບບຟອມໃບຄຳຮ້ອງໃນການສະໝັກເຂົ້າສອບເສັງ ແລະ ສຳພາດ ທີ່ຂຽນແລ້ວໃຫ້ຄະນະກຳມະການທີ່ຮັບຜິດຊອບ ແລະ ຈາກນັ້ນທາງຄະນະຮັບຜິດຊອບຈະອອກບັດເຂົ້າຫ້ອງສອບເສັງ, ສຳພາດໃຫ້ຕາມສາຂາວິຊາທີ່ສະໝັກຮຽນ.
• ຂັ້ນຕອນທີ 3: ດຳເນີນການສອບເສັງ ຫຼື ສຳພາດເຂົ້າຮຽນໃນສາຂາວິຊາທີ່ສະໝັກຕາມລະບຽບການຂອງວິທະຍາໄລ.

ເອກະສານປະກອບການສະໝັກຮຽນມີ:  

1. ສໍາເນົາໃບປະກາດຈົບຫຼັກສູດຊັ້ນກາງ
2. ຊີວະປະຫວັດນັກຮຽນ 1 ຊຸດ
3. ໃບຢັ້ງຢືນທີ່ຢູ່ 1 ຊຸດ
4. ໃບກວດສຸຂະພາບ 1 ຊຸດ
5. ໃບແຈ້ງໂທດ 1 ຊຸດ
6. ຮູບຂະໜາດ 3×4 (ຖ່າຍບໍ່ເກີນ 3 ເດືອນ) ຈໍານວນ 6 ໃບ
7. 1.